FLAŞ – Komalên Ciwan: ‘Em derketinên Pengavî yên Ciwanên Kurdistanê silav dikin’

NAVENDA NÛÇEYAN – Koordînasyona Komalên Ciwan di daxuyaniya xwe de a derbarên pêngavên ku Ciwanên Kurdistanê û Ciwanên Kurd li Ewrûpa daye destpê kirin, peyama silavkirinê da. Di daxuyaniyê de Komalên Ciwan got, “Ciwanên Apoyî ê Kurdistanê bi wêrekî û rihê ji berxwedana dirokî a Heftanînê girtiye, wê agirê şoreşê geştir bike û wê axa xwe ji dagirkeran re bike goristan. Kesên dixwazin Kurdistanê veguherînin cihê şewatê, bila bizanin ku her agirê li ser axa Kurdistanê wê wan jî bişewitine.”

Koordînasyona Komalên Ciwan pêngavên Ciwanên Kurdistanê ya “Tolhildana Sor”, “Dagirkeriyê Birûxine”, “Em ê Teqez bi Serbikevin”, û “Bi hev re Serhildan” silav kir û bal kişand ser wan mijaran:

‘MODERNÎTEYA DEMOKRATÎK ÇARESERIYA HEMÛ KRÎZ Û ALOZIYAN E’

“Di encamên texrîbatên Modernîteya Kapîtalîst li ser cihanê ku vîrûsa koronayê derxistiye û bêhn li gelan çikandiye, û hêzên hegemonîk bi xwestina xwe a rewşê veguherandina firsendê, destpêkê li Kurdistan û tevahî Rojhilata Navîn hewldanên xwe yê payê derxistine heye. Rêveberiya şer a Akp-Mhp jî dixwaze ji vî şerê ku navenda wê Kurdistan e, jixwe re qetek ji pasteyê bigre. Li ser vî esasî rêveberiya şer a Akp-Mhp bi pêvedana xeyalên xwe yê nû ê Osmanî li ser axa Kurdistanê polîtîkayên komkujî di asta herî jor de didomine. Ji milê din jî ji bo ji krîza navxweyî a kûr dibe derkeve, êrîşî her beşê ku li beramberî wan disekine dike. Li hemberî vê Serokatiya me bi ava kirina modela Modernîteya Demokratîk ji bo hemû krîz û aloziyan çareseriyan pêşkêş dike. Ji bo gelê Tirkiye û Kurdistanê ji lepên faşîzma ku wek ewrekî reş li ser wan belav buye rizgar bike, modelek nû a jiyanê pêşkêş kiriye.

‘VEJÎNA KURDAN A 15’Ê TEBAXÊ ÎRO LI HEFTANÎNÊ YE’

Wek ev meha berxwedanê a em di nav de ne nîşanî me daye, têkoşîna bi Rêber APO destpêkê kiriye û di 15’ê Tebaxa 1984’an a bi pêşengtiya Fermandar Egîd li Eruhê fîşeka yekem teqandiye, vejîna Kurdan derxistiye holê. Doh berxwedana birûmet bi hevrê Egîd destpê kir, îro li Heftanînê di şexsê Nucanan, Esmeran, Dogayan û Rusteman derxistiye holê ku wê serkeftin û azadî teqez biser bixine.

‘LEŞKERÊN DAGIRKER BERAMBERÎ BERXWEDANA HEFTANÎNÊ SENDROMÊ JIYAN DIKE’

Serkêşê faşîst Erdogan û çeteyên wî bi teknîka pêşketî a sedsalê hertim di nava kirina demagojiyê de ye. Her roj di çapemeniya şerê taybet de qîrinê wan zêde dibe û bîlançoya şer bi awayekî berevajîkirin pêşkêşî civakê dike û bi vê rêbazê dixwaze civakê bixapine. Çiqasî bixwazin vê rastiyê berevajî bike jî, heqîqet nîşan dide ku leşkerên bi peran ên rêveberiya şer a Akp-Mhp li beramberî berxwedanê yan dînûharî derbas dike û xwedikuje, an jî çeka xwe di xwe de diteqîne, hezar rê û rêbazan diceribine da ku ji şer bireve. Berxwedana pêşketiye, rêveberiya şer a Akp-Mhp û çeteyên wan ên paramilîter wek li Zap, Avaşin, Nisêbîn, û Efrînê çawa sendromê pê da jiyan kirin, îro jî li Heftanînê li beramberî berxwedanek hin mezintir sendromê dide jiyan kirin.

‘HER SERÎ RAKIRINEK WEK XENCEREKÊ DIKEVE DILÊ RÊVEBERIYA ŞER A akp-mhp’

Rêveberiya şer a Akp-Mhp ku yekane armanca wê dagirkirina Kurdistan, û Gelê Kurd di qirkirinê de derbaskirin e, hemû polîtîkayên faşîzane ê pêş dixe, xizmetî vê dike. Rêveberiya şer a Akp-Mhp ew serkeftinên bi riya leşkerî nikare bidest bixe, dixwaze bi polîtîkayên xwe ên şerê taybet li ser Gelê Kurd, taybet li ser hêza civakê a dînamîk, li ser beşa Ciwan û Jin pêk bine. Bi taybet di demên dawî de fealiyetên dewletê ên şerê taybet mînak vê ya herî zelal e. Li kêleka vê li dijî berxwedana jinan êrîşên ku pêşketine, zêdebûna bûyerên tundiya li ser jinan, qetlîam û destdirêjî jî yeko yeko encamên polîtîkayên şerê taybet in. Wekî din, bi fuhûş, tilyak û polîtîkayên sîxurkirinê dixwazin Ciwanên Kurdistanê ji berxwedanê dûr bixin, bê nasname bêhêlin, bê îrade bikin, ji nirxên exlaqî û civakî bê par bihêle, û taybetmendiya ciwanan ê berxwedaniyê bitepisînin. Ji ber vê rêveberiya şer a Akp-Mhp bêrawestandin êrîşî ciwanan û jinan dike û bi vê rêbazê hewl dide emrê xwe dirêjtir bike. Her çiqas êrîşên faşîst roj bi roj zêdetir bibin, li beramberî vê berxwedana ku pêşdikeve jî zêdetir dibe. Îro li her deverê Kurdistanê, destpê ciwan û jin, demokrat û sosyalîst li dijî hemû êrîşên rêveberiya şer a Akp-Mhp hertim di nava berxwedanê de ne. Hemû civak û taybet wek Ciwanên Kurdistanê pêwiste em bizanin ku têkoşîna bi berxwedana yek kesî destpê kiriye, îro destanan dinivîsine. Ji ber vê jî her serî rakirinek wek xencerekê dikeve dilê rêveberiya şer a Akp-Mhp û wê dilerizîne. Ji ber vê sedemê jî êrîşî hemû beşên civakê yên dînamîk dike û dixwaze bi vî awayî agirê berxwedanê bitefine.

‘CIWAN WÊ BI PÊNGAVÊN XWE DI VÊ PÊVAJOYA DIROKÎ DE KOKA FAŞÎZMÊ BÎNIN’

Li ser vî esasî bi sekna rûmet a Ciwanên Başûr ku di kêliyê de ji Berxwedana Heftanînê re bu bersiv, pêwiste Ciwanên Kurdistanê li her cihê ku lê ye tevlî vê berxwedanê bibin û pêwiste bizane ku dema ji bo bersivdayîna tûj a êrîşên rejîma qesrê a Akp-Mhp hatiye. Bila neyê jibîr kirin ku bi mezinkirina berxwedanê em dikarin azadiya fîzîkî a Serokatiya xwe pêk bînin û axa Kurdistanê ji dagirkeran pakij bikin. Di vê berxwedanê de para mezin dikeve ser Ciwanên Kurd, Jinên Ciwan û Ciwanên cep-sosyalîst ku li dijî faşîzmê cihê xwe digrin.

Ciwanên Kurdistanê ku di vê zanebûnê de ne, ji Ciwanên Bakurê Kurdistanê bigre heta Başûrê Kurdistan, ji Ciwanên Rojavayê Kurdistanê bigre heta Ciwanên li Ewrûpa bi derketinên pengavî raber kirin ku ew ê rê nedin dagirkeriyê û polîtîkayên şerê taybet ê faşîzma Akp-Mhp’ê. Di serî de derketina pêngavî ya Ciwanên Bakurê Kurdistanê a “Tolhildana Sor (Kızıl İntikam)”, ya Rojava a “Em ê Teqez bi Serbikevin”, ya Başûrê Kurdistan a “Dagirkeriyê Birûxine” û Ciwanên Kurd li Ewrûpa a “Bi hev re Serhildan” biryardarî û baweriya ku wê Ciwan di vê pêvajoya dirokî de koka faşîzmê bînin nîşan dide.

‘EM DERKETINÊN PÊNGAVÎ YÊN CIWANÊN KURDISTANÊ SILAV DIKIN’

Em wek Komalên Ciwan wan derketinên pêngavî silav dikin û bi vê re girêdayî bang Ciwanên Kurdistanê dikin, da ku dijî dagirkeriya faşîst di refên berxwedanê de cihê xwe bigrin, ji bo ku ev derketinên dirokî hin mezintir bibin. Ciwanên Apoyî ê Kurdistanê bi wêrekî û rihê ji berxwedana dirokî a Heftanînê girtiye, wê agirê şoreşê geştir bike û wê axa xwe ji dagirkeran re bike goristan. Kesên dixwazin Kurdistanê veguherînin cihê şewatê, bila bizanin ku her agirê li ser axa Kurdistanê wê wan jî bişewitine.

Li ser vî esasî di serî de bi Pêngava dirokî a berxwedana a 15’ê Tebaxê ku di pêşengtiya Fermandarê mezin Egîd de destpê kiriye, û îro hevrên ku agirê şoreşê ji çiyayên Kurdistanê derbasî metropolên Tirkiye kirin, em berxwedana wan silav dikin û cardin biyardariya ku heta rejîma faşîst a Akp-Mhp neyê tune kirin em ê berxwedanê mezin bikin, didin nîşandan.”