TAYBET – Ciwanê Enternasyonalîst: ‘Rastiya xwe em di fikrên Serokatî de dibînin’

QAMIŞLO – Ciwanê enternasyonalîst Hawar Lyoba ku eslê xwe ji Swîsreyê ye û niha di nava Şoreşa Rojava de jiyan dike derbarê naskirina xwe bi raman û felsefeya Rêberê Gelan Abdullah Ocalan re ji ajansa me re axivî.

Hawar Lyoba balkêşbûna fikrê Serokatî ji bo xwe wiha tine ser ziman: “Li Ewrûpa gelek tevgerên wek Ekolojîk, Sosyalîst an jî Femînîst hene. Lê bes bihevre kar nakin, hevgirtina wan nine. Ji ber vê yeke fikrên Serokatî ji bo min pirr balkêş bû, ji ber ku hemû beşa digre nava xwe.”

Befirehiya hevpeyvîna bi Ciwanê enternasyonalîst Hawar Lyoba wiha ye:

“Navê min Hawar e. Ez ji Swîsre me. Min li Swîsreyê karê çandiyê dikir. Her wiha min cihê xwe nava rêxistinek sosyalîst digirt. Lê rêxistinek biçûk bû. Li Ewrûpa rêxistin wiha yê mezin tune. Dema ez li Ewrûpa bûm nakokiyên min pirr bûn, pirsgirêkên min jî hebûn. Li Ewrûpa bi giştî civakbûyîn tune, çanda mêvantî nasnakin, bihev re niqaş nakin, mînak kes cîranê xwe nas nake. Pirr tiştên wusa ji bo min bi nakok bûn. Bi riya hevalekî xwe min Şoreşa Rojava, ev fikrê nû yê sosyalîst nas kir. Li ser pêşniyara hevalê min hatim Rojava.

‘RAMANÊN SEROKATÎ ÇARESERIYA PIRSGIRÊKÊN HEYÎ YE’

Fikrê Serokatî pirr kur û befireh e. Hemû mijaran şirove dike. Mînak ser mijara ekolojîk û zilma li ser jinan şîrovên kur hene. Civaka azad, demokratîk a bi eqlax pênase dike. Pirr balkêşe, ev raman dikarê pirsgirêkên heyî ên di roja me ya îro de çareser bikin. Ji Sûrî bigre heta Rojhilata Navîn û yê tevahî cîhanê dikare çareser bike.
Fikrê Netewa Demokratîk dide xuyakirin ku hemû netew dikare bi hevre jiyan û kar bikin. Dikare jiyanek siyasî ya bi exlaq ava bike. Bê dewlet, bê sinor û bêyî bandora sîstema kapîtalîst em dikarin tiştekî din ava bike.

‘FIKRÊ SEROKATÎ HEMÛ BEŞAN DIGRE NAVA XWE’

Dema ez li Swîsreyê bûm, ez anarşîst bûm. Ev jî beşek ji fikra sosyalîst e. Lê ne wek fikrê Serokatî ewqas befireh e. Tenê ser mijarên çinî şîrove dike. Mînak pirsgirêkên din wek yên ekolojîk nabinin. Pirsgirêkên giştî yê civakê nabinin. Li Ewrûpa gelek tevgerên wek Ekolojîk, Sosyalîst an jî Femînîst hene. Lê bes bihevre kar nakin, hevgirtina wan nine. Ji ber vê yeke fikrên Serokatî ji bo min pirr balkêş bû, ji ber ku hemû beşa digre nava xwe. Ji bo serdema me ev fikrê Serokatî nû ye. Li dijî Modernîteya Kapîtalîst, Serokatî Modernîteya Demokratîk daye ava kirin. Ev yek jî ji bo min pirr balkêş bû.

‘PIRSGIRÊKÊN EKOLOJÎK GIRÊDAYÎ PIRSGIRÊKÊN CIVAKÎ NE’

Nirxandinên Serokatî li ser pirsgirêkên Ekolojîk jî pirr balkêşin, ji ber ku dibêje beyî ku em pirsgirêkên civakî çareser bikin, em nikarin yê Ekolojîk çareser bikin. Li Ewrûpa tevgerên Ekolojîk lîberal in. Ji ber ew wusa difikirin ku ew dikarin pirsgirêkên Ekolojîk di nava Modernîteya Kapîtalîst çareser bikin. Ev tişt nabe. Jixwe Modernîteya Kapîtalîst li dijî Ekolojiyê ye. Xwezayê talan dike, hemû nirxên xwezeyê didîze, mînak av, an jî daran dibire. Hemû xwezayê xirab dike. Serokatî dibêje em nikarin nava Modernîteya Kapîtalîst pirsgirêkên Ekolojîk çareser bikin. Ev tiştek giring e. Fikrên Serokatî ji bo hemû ciwanên Ewrûpa tiştekî balkêşe, kî van fikran nas bike wê bibe alîgirê wê.

‘PÊWISTE EM SEROKATÎ BIXWÎNIN Û XWE SERERAST BIKIN’

Xwendîna pîrtukan ji bo giring e. Çênabe di xwendina me de lawaztî derkeve. Pêwiste em hin zêdetir lêkolin bikin. Pêwiste em Serokatî bixwînin û fikrên xwe li ser vî esasî serrast bikin. Rêxistinbûyîna me jî pirr giring e. Ciwan pêwiste ji bo civakê kar bike. Em dibêjin ciwan pêşeng e civakê ye, ji ber vê jî pêwiste herî zêde ciwan tevlî vê fikrê Serokatî bibin. Pêwiste ciwan di Hunerê, Werzîşê, û di xeta çalakiyan de pêşengî bike. Ciwan 24 saetan bi teknîkê re mişul dibe, pêwiste êdî ji vê cîhanê derkeve û biçe derveyî vê yekê. Ciwan dikare cîhanek nû ava bikin, daran biçine. Avakirina jiyanek azad di destê ciwanan de ye. Ji ber vê jî pêwistî bi rêxistinkirina her aliyê jiyanê heye.

‘CIWANÊN EWRÛPA DIKARIN RASTIYA XWE DI FIKRÊN SEROKATÎ DE BIBÎNIN’

Îro cîhan di rewşek xeter de ye. Bandora Modernîteya Kapîtalîst pirr zêde ye. Pirgirêkên ekolojîk, civakî û azadiya jin gelek in. Ev Modernîteya Kapîtalîst jiyanê xirab kiriye. Li Rojava jî li dijî vê Şoreşek pêk hatiye. Hewldanên avakirina jiyanek nû heye. Hêzên kapîtalîst û împeryalîst dixwazin vê tecrûbeyê têk bibin. Kuştinê ferz dilke. Dixwazin fikrê Serokatî û yê Sosyalîst tune bikin. Li dijî wan kîryaran pêwiste em hemû kesî birêxistin bikin. Taybet ciwan dikarin nava civakên xwe bibin hêza guhertinê. Her ciwanek dikare were Rojava û vê jiyana nû û Şoreşê bibine. Ciwanên Ewrûpî jî dikarin bi fikrê Serokatî rastiya xwe nas bikin. Dikarin diroka xwe fêm bikin. Em wan tiştan bi fikrên xwe ên sosyalîst ve girêdin, ew dem em dikarin her tiştî biguherine. Li ser vî esasî ez dîsa dûbare dikim, pêwiste em xwe rêxistin bikin û rabin ser xwe. Bi vî awayî em jî dikarin Şoreşê çêbikin.”